See blog posts in
-
Cofnodion Diweddar
Sylwadau Diweddar
Tag Cloud
AfL A level Allensbank AS/A2. Geography CA2 CA3 CPD Cynnal decibels developing thinking Essential Skills Wales food Games Good Practice ICT Innovative key stage 3 KS2 KS3 KS4 Learners Learning Literacy Livestream mathematics maths Microsoft NGfL Cymru NGfL Cymru Live Partners in Learning Physics Post 16 PowerPoint Primary Resources Science sensor Sound TeachMeet TGAU thinking Wales Welsh Welsh 2nd language WJECCategorïau
Adnoddau Addysg Grefyddol Newydd – “Bywyd Plentyn Cristnogol”
Nod yr adnodd hwn yw addysgu Cristnogaeth gan ddefnyddio rhai profiadau bywyd go iawn teulu Cristnogol yng Ngogledd Cymru. Mae’r adnodd yn anelu at ddatblygu dealltwriaeth o’r ffordd Gristnogol o fyw drwy lygaid plant Cristnogol a’u teulu. Mae pob adran wedi cael ei hystyried yn ofalus iawn fel bod yr athro yn gallu ymdeimlo â phrofiadau’r disgyblion a bywydau’r plant a’r teulu sy’n ymddangos yn yr adnodd.
Dylai’r fideos sydd yn y pecyn ennyn diddordeb y plant a gall yr athro ddefnyddio’r cwestiynau a ymgorfforwyd i arwain y disgyblion. Gellir oedi’r fideos neu eu hailddirwyn ac ati fel bo’r athro yn gallu datblygu syniadau’r dysgwyr wrth i’r wers fynd yn ei blaen. Dylai’r ffaith bod teulu Cristnogol modern wedi’i ddefnyddio fod o gymorth i bortreadu bywyd modern Cristion a dylai’r disgybl modern yng Nghymru fedru perthnasu eu bywydau eu hunain â hyn.
Mae hefyd amrywiaeth o weithgareddau Asesu ar gyfer Dysgu, yn weithgareddau cychwynnol a phellach, y gall yr athro alw arnynt o fewn yr adnodd fel bod y disgyblion yn gallu defnyddio eu sgiliau meddwl i ddatblygu eu syniadau. Mae natur y gweithgareddau yn benthyg eu hunain i drafodaeth a gwneud penderfyniadau a dylai disgyblion fod yn fwy cymwys i ddechrau ar unrhyw weithgareddau pellach. Datblygwyd pob gweithgaredd gan ddefnyddio agweddau ar Gristnogaeth er mwyn i’r dysgwyr fedru awgrymu’r hyn sy’n debyg ac yn wahanol i’w bywydau nhw eu hunain.
Mae arweiniad a syniadau cynhwysfawr i athrawon ar gyfer gwersi wedi’u cynnwys o fewn yr adnodd a gellir lawrlwytho’r pecyn cyflawn i’w storio ar gyfrifiaduron unigol. Gellir datblygu pob un o’r syniadau gwersi gan ddefnyddio’r syniadau a awgrymir neu feddalwedd addas arall.
Gobeithio y bydd yr adnodd o ddefnydd i chi:
Posted in Uncategorized
Dim Sylwadau
Wordwall – trwydded safle am ddim
Mae Wordwall wedi ymestyn eu cynnig ar gyfer trwydded safle rhad ac am ddim hyd ddiwedd mis Ionawr.
Y cyfan sydd angen ichi ei wneud yw llwytho’r meddalwedd i lawr o getwordwall.com/downloads a chofrestru defnyddiwr ar gyfer eich ysgol cyn diwedd mis Ionawr.
Y cod croeso yw Ionawr
Gellir gweld cyfarwyddiadau pellach yma:
http://getwordwall.com/About/invite/ionawr
buy cialis online no prescription
Wordwall – trwydded safle am ddim
Meddalwedd creu gweithgareddau ar gyfer byrddau gwyn rhyngweithiol a thaflunyddion data, sy’n ei gwneud yn hawdd creu a rhannu adnoddau, yw Wordwall. Ar hyn o bryd mae’n cynnwys bron i 27,000 o weithgareddau a luniwyd gan athrawon ac mae wedi bod yn wirioneddol boblogaidd yng nghyfarfodydd Dysgwrdd/Teachmeet GCaD Cymru.
Fel arfer, £879 yw’r gost o brynu trwydded safle ar gyfer ysgolion. Mae Wordwall yn cynnig trwydded safle am ddim i danysgrifwyr GCaD Cymru fydd yn cofrestru eu hysgol cyn y Nadolig. Mae’r cynnig hwn yn agored i ysgolion Cymraeg ac ysgolion Saesneg.
Y cyfan sydd gyda chi i’w wneud yw llwytho i lawr y gosodyn o getwordwall.com/downloads a defnyddio’r cod gwahodd NADOLIG.
Posted in Uncategorized
Dim Sylwadau
Tîm cefnogi’r Gymraeg mewn addysg
Hyfforddwyr cynorthwyol cyfrwng Cymraeg
Mae Tîm cefnogi’r Gymraeg mewn addysg yn chwilio am athrawon, ymgynghorwyr a chydweithwyr eraill i ymgymryd â gwaith hyfforddi ar ran y tîm uchod. Rydym yn croesawu ceisiadau gan arbenigwyr sy’n gweithio ym mhob maes cwricwlaidd ac ar draws yr ystod oedran. Rydym yn awyddus dros ben i ddenu arbenigwyr ym meysydd llythrennedd, rhifedd a chau’r bwlch rhwng cyraeddiadau bechgyn a merched.
Mae gwybodaeth gefndirol a ffurflen gais ar gael yma
http://www.ngfl-cymru.org.uk/VTC/2012-13/cpd/FfurfleiRecriwtio.pdf
Mae angen cadw copi gwag o’r ffurflen ar eich cyfrifiadur cyn ei llenwi.
Anfonwch eich ffurflen gais at sian.williams@cbac.co.uk
Am fwy o wybodaeth cysylltwch â:
Siân Williams, 029 2026 5177
Posted in Uncategorized
Dim Sylwadau
Adnoddau Gwyddoniaeth newydd
Mae adnoddau Gwyddoniaeth newydd ar gael ar GCaD Cymru.
Mae adnoddau yn cynnwys nifer fawr o weithgareddau a luniwyd i gefnogi addysgu Cemeg a Bioleg, o gysyniadau elfennol iawn yng Nghyfnod Allweddol 3 i destunau mwy datblygedig yng Nghyfnod Allweddol 5.
Mae’r deunyddiau’n datblygu’r themâu o gam i gam gan ymdrin ag ystod eang o gysyniadau a materion anodd. Mae’r deunyddiau’n addas i’w defnyddio yng Nghyfnod Allweddol 3, TGAU, TAG lefel Uwch ac UG yn ogystal â chyrsiau L1, 2 a 3 eraill mewn Gwyddoniaeth
Gobeithio y bydd yr adnoddau o ddefnydd i chi:
Bioloeg: Genynnau ac Amrywiaeth
Posted in New Resources, Uncategorized
Tagged Bioleg, Biology, CA3, CA4, CA5, Cemeg, Chemistry, GWYDDONIAETH, KS3, KS4, KS5, Science
Dim Sylwadau
Her 100 Gair (100WC)
Helo Gymru! F’enw i yw Julia Skinner. Prifathrawes wedi ymddeol ydw i ac rwy’n byw ym Mryste. Rwy’n frwd iawn dros gael plant i ysgrifennu ac wrth fy modd yn trydar! Rwy’n teimlo’n gyffrous iawn cael gweithio gyda GCaD Cymru a phob un ohonoch chi. Fi yw sylfaenydd 100 Word Challenge (100WC) – Her 100 Gair (H100G). Her ysgrifennu wythnosol i blant dan 16 oed yw hon. Bydda’ i’n gosod awgrymeb, a bydd y plant wedyn yn defnyddio 100 gair yn unig i lunio darn o ysgrifennu creadigol fydd yn cael ei osod ar flog eu dosbarth. Bydd hwn wedyn yn cael ei gysylltu â 100wc.net lle gall y byd i gyd ei ddarllen a chyflwyno sylwadau. Mae gyda fi dîm o wirfoddolwyr sy’n rhoi sylwadau ar bob un o’r cyfraniadau. Rydym ni wedi gweld mai’r sylwadau sy’n hyrwyddo 100WC. Mae’n ysgogi’r plant i ysgrifennu ac yn rhoi pwrpas iddyn nhw. Mae hefyd yn eu cysylltu gyda phlant eraill ar draws y byd ac mae’n gyfrwng arbennig ar gyfer datblygu blogiau dosbarth. Heblaw am hyrwyddo 100WC, datblygu fersiwn Cymraeg yw fy ngwaith gyda GCaD Cymru. Bydd yr un awgrymeb yn cael ei ddefnyddio ag yn y Saesneg ond caiff ei gyfieithu i’r iaith Gymraeg! Rwy’n gobeithio gallu darparu nifer o sylwebyddion Cymraeg ond buaswn i wir yn gwerthfawrogi ychydig o help. Felly, os ydych chi’n athro/athrawes, myfyriwr neu’n rhiant sy’n siarad Cymraeg ac os hoffech fod yn aelod o’r tîm sylwebu, yna byddwch mor garedig â chysylltu â mi drwy melanie.blount@gcad-cymru.org.uk Gorau po fwyaf o sylwadau y bydd y plant yn eu cael. Hoffwn eich annog i wylio’r fideo ac yna cysylltu os hoffech gymryd rhan mewn unrhyw ffordd.
Fideo Her 100 Gair (Saesneg un unig) Grêt cael gweithio gyda Chymru!
Posted in Uncategorized
Dim Sylwadau
Adnodd Newydd : Daearyddiaeth UG ac Uwch.
Ar gael yn awr ar gyfer sgiliau a thechnegau ymchwilio Daearyddiaeth UG ac Uwch.
Mae’r adnodd yma yn cyfieithiad digidol o werslyfr Philip Allen Updates sy’n ymwneud a sgiliau a thechnegau ymchwilio sy’n berthnasol i Ddaearyddiaeth safon uwch ac uwch gyfrannol. Gellir darllen y gwerslyfr fel e-lyfr ar lein neu ei lwytho i lawr ar ffurf pdf. Gellir llwytho’r llyfr cyfan i lawr neu’r cynnwys yn unig heb y clawr mewn ffeil sydd yn llai o faint. Mae’n bosib llwytho’r papur graff i lawr hefyd mewn ffeil ar wahân.
Er mwyn cael mynediad at yr adnodd cliciwch ar y linc yma:
http://www.ngfl-cymru.org.uk/cym/sgiliau-a-thechnegau-ymchwilio-ac-ymchwil
Awdurwyd gan: Hodder Education, GCaD Cymru a noddwyd gan Lywodraeth Cymru
Posted in Uncategorized
Dim Sylwadau
Crynodeb o Adnoddau newydd
Wrth i addysgwyr ledled y wlad fwynhau’r gwyliau haf, roeddem wrthi’n brysur yn gorffen amrywiol adnoddau ac yn eu llwytho i fyny’n barod at ddechrau’r flwyddyn ysgol newydd.
Rhag ofn i chi golli unrhyw beth, dyma nodyn byr i’ch atgoffa o’r hyn sy’n newydd.
Hanes
Adnodd rhyngweithiol i hybu’r sgiliau y mae myfyrwyr eu hangen wrth astudio ar gyfer HY1 (adran b) TAG Uwch Gyfrannol Hanes CBAC. Mae’r adnoddau yn meithrin y sgil o fynegi barn ac i gyfiawnhau’r farn honno.
Agweddau ar hanes Cymru a Lloegr
Adnodd rhyngweithiol i hybu’r sgiliau y mae myfyrwyr eu hangen wrth astudio ar gyfer HY1 (adran b) TAG Uwch Gyfrannol Hanes CBAC. Mae’r adnoddau yn meithrin y sgil o fynegi barn ac i gyfiawnhau’r farn honno.
Cyfres o adnoddau i gefnogi addysgu ‘Newid yn rôl a statws merched yng Nghymru a Lloegr, 1900 hyd heddiw’, sy’n rhan o fanyleb B CBAC.
Astudiaethau Busnes
Gweithredu Busnes Llwyddiannus
Pum uned o waith i gefnogi addysgu Busnes ar gyfer Lefel 2.
TGCh
Dyma adnodd rhyngweithiol ar gyfer myfyrwyr Lefel Uwch sy’n astudio TGCh Cymhwysol.
ADdCDF
Beth sydd yn cysylltu eich Cyngor Lleol, Cynulliad Cenedlaethol Cymru, Senedd y DU a Senedd Ewrop? Mae’r pedwar corff yma yn gwneud penderfyniadau pwysig ar eich rhan .
Mae Grŵp Addysg Biosffer Dyfi yn rhwydwaith o ddarparwyr addysg ffurfiol ac anffurfiol o fewn Biosffer Dyfi. Mae’r aelodau wedi datblygu amrediad o weithgareddau i ddysgwyr sy’n addas ar gyfer safleoedd penodol neu’r ystafell ddosbarth.
Llythrennedd
Cyfres o weithgareddau cychwynnol byr a chyflym i wella sgiliau darllen a sillafu. Mae’r gemau’n cynnwys gwaith ar: gyfystyron, gwrthystyron, teuluoedd geiriau, homoffonau, sillafau, cywasgu a geiriau cyfansawdd.
Blynyddoedd Cynnar/Cymraeg ail iaith
Cyfres o 12 llyfr stori siarad â thema ar gyfer plant y Cyfnod Sylfaen yn cynnwys Lleu Llygoden. Mae gweithgaredd rhyngweithiol yn mynd gyda phob llyfr sy’n cryfhau’r ddealltwriaeth o’r eirfa sydd wedi’i chynnwys ym mhob stori.
viagra
Posted in New Resources, Uncategorized
Tagged ADdCDF, ALN, Astudiaethau Busns, Business Studies, CDY, Cymraeg ail Iiath, CYMRU, Darllen, England, ESDGC, Europe, Ewrop, Hanes, history, ICT, Literacy, Lloegr, Llythrennedd, Modiwl, module, Reading, TGCh, Wales, Welsh 2nd language
Dim Sylwadau
Cwrs e-ddysgu Diogelwch a Hylendid Bwyd ar gyfer ysgolion
Mae’r Asiantaeth Safonau Bwyd (ASB) yng Nghymru wedi cyhoeddi y bydd yn cynnig cwrs e-ddysgu ‘Lefel 2 mewn Diogelwch a Hylendid Bwyd (Arlwyo)’ i ysgolion yng Nghymru.
‘Mae’r disgyblion yn frwd ac mae un myfyriwr ym Mlwyddyn 12 wedi llwyddo i gael swydd dydd Sadwrn ar sail y dystysgrif yn barod.’
Mae’r cymhwyster, sydd wedi’i achredu gan City and Guilds, yn gyfle perffaith i fyfyrwyr ddatblygu sgiliau bywyd pwysig a hefyd yn gyfle gwych i’r rheiny sy’n gobeithio gweithio yn y diwydiant bwyd neu arlwyo ennill sgiliau gwerthfawr. Yn gyffredinol, mae’r cwrs fwyaf addas ar gyfer disgyblion 14 oed a hŷn. Ar ôl llwyddo i gwblhau’r hyfforddiant, mae myfyrwyr yn derbyn tystysgrif.
Mae’r cwrs ar gael yn rhad ac am ddim i ysgolion yng Nghymru, er bod cyllid yn gyfyngedig, a chaiff athrawon eu cynghori i gysylltu â’r ASB drwy ddefnyddio’r manylion isod cyn gynted â phosibl, fel nad ydynt yn cael eu siomi. Gwahoddir ceisiadau gan ysgolion yng Nghymru sy’n llwyddo i ddangos eu hymrwymiad i gefnogi astudiaethau myfyrwyr.
Meddai Helen George, sy’n arwain ar y prosiect i’r ASB: “Mae’r cwrs yn gyfle i fyfyrwyr wella’u gwybodaeth am ddiogelwch bwyd, datblygu sgiliau bywyd pwysig ac ennill cymhwyster sy’n cael ei gydnabod yn eang o fewn y diwydiant arlwyo.”
Os ydych chi’n credu y byddai gan eich ysgol ddiddordeb, cysylltwch â:
Helen George ar 02920 678907, e-bost: helen.george@foodstandards.gsi.gov.uk neu
David Burley ar 02920 678956, e-bost: david.burley@foodstandards.gsi.gov.uk
I gael rhagor o wybodaeth am y cwrs e-ddysgu ar Ddiogelwch a Hylendid Bwyd a’i gynnwys, cliciwch ar y ddolen isod.
http://www.food.gov.uk/wales/about-fsa wales/cymru/diogelwch/ysgolioncymru/eddysgu#.UFLlbbJmSPQ
NGfL Cymru QR Code
Visitors’ Map
NGfL Twitter feed